Ég saknaði þess í ræðu biskups Íslands á sjálfan páskadaginn - að hann skyldi ekki hafa orð á náunga kærleikanum í verki.

Samkvæmt Orðinu á náungakærleikurinn allsstaðar að rúmast í öllum mannlegum samskiptum - Hvað skyldi fólk í fátæktarfjötrum hafa á sínum matardiski um páskana ? - Hjá einhverjum er kannski matardiskurinn tómur. - Orð - eru ekki í askana látin.

Verðum að læra að treysta

Athugasemdir

[Loftur Altice Þorsteinsson (IP-tala skráð) 25.4.2011 kl. 10:01]

Það er eðlilegt að boðberi trúar sem byggir á undirgefni og auðmýkt tali um að almenningur eigi að fyrirgefa valda-aðlinum. Kristin kirkja hefur alltaf verið tæki hins volduga til að undiroka hinn vanmáttuga. Biskupinn segir:

 

»Við megum ekki við því öllu lengur að sitja föst í vantrausti og tortryggni...Reyndar er agaleysið og virðingarleysið okkar mesta böl og ein helsta orsök ófara okkar, agaleysi og virðingarleysi sem allt of víða má sjá merki um. Reiðin hefur líka eytt og tært og brotið niður traust til þeirra grunnstoða og stofnana og embætta sem heilbrigt samfélag hlýtur að byggja á.«

 

Þarna er biskupinn að tala niður til alþýðunnar og segja fólki að hlýða. Alþýðan megi ekki sýna valda-aðlinum: »vantraust, tortryggni, agaleysi, virðingarleysi eða reiði«. Þarna er formúlan »fyrir heilbrigðu samfélagi« þar sem almenningur lýtur í duftið fyrir »grunnstoðum og stofnunum og embættum«.

 

Af hverju segir biskupinn ekki, að það hafi verið vilji Gvuðs og Maríu að landsmenn samþykktu Icesave-III-lögin? Af hverju segir hann ekki að hann sjálfur, boðberi hinnar einu sönnu trúar, hafi gert eins og Vigdís Finnbogadóttir og kosið með valda-aðlinum gegn hagsmunum Íslendinga ?

 

 

[Benedikta E, 25.4.2011 kl. 10:55]

Það er eins og biskupinn hafi skransað til á vegferð  sinni - það var eitthvað Pílatusarlegt við ræðuna hans  - hvað með boðorðin 10 - hann skautaði  fram hjá þeim vandlega - Elska skaltu náunga þinn eins og sjálfan þig - er eitt þeirra 10 boðorða - Jóhönnu hefur tekist að kúga karlinn á hnén fyrir sér - með framferði sínu gegn kirkjunni - Mikil er smán þeirra beggja og Vigdísar með - ásamt annarra þeim líkum - aumingjar -

[Ómar Bjarki Smárason, 25.4.2011 kl. 12:38]

Valdastéttir allra tíma hafa beitt vopnum og/eða "andlegu ofbeldi" í orðræðu til að kúga alþýðuna og til að halda í völdin. Þetta brýst út í misjafnri mynd, eins og við höfum í raun að upplifa varðandi Icesave og þjóðir við Miðjarðarhaf og víðar eru að ganga í gegnum í tilraunum sínum til að losna við einræðisherra sem kúgað hafa þessar þjóðir áratugum eða öldum saman.

Nú eiga valdhafarnir orðið í vök að verjast vegna þess að almenningur á orðið auðveldara með að ná saman og taka til vopna í orði eða með öðrum hætti þegar fólki er misboðið. Þetta er nýtt vald sem almenningur þarf að læra að beita á réttan hátt þegar við á og valdhafar hvers tíma verða að læra að lifa með þessu líka. Með tímanum leiðir þetta væntanlega til meiri þátttöku almennings í pólitík og allri umræðu og ákvarðanatöku í framtíðinni. Hvort þetta er til góðs eða ills verður tíminn að leiða í ljós.

[Benedikta E, 25.4.2011 kl. 14:13]

Það á svo að heita að við lifum við lýðræði - Hvað þýðir orðið - Lýðræði - Jóhanna skilur það ekki - á meðan við leyfum henni að komast upp með það - að valsa eins og einræðisníðingur.

Forseti vor Ólafur Ragnar Grímson stappar stálinu í þjóð sína og skilning fólksins á lýðræðinu = valdið er hjá fólkinu - Við fólkið í landinu verðum að svara kalli þarfarinnar og framfylgja valdi okkar samkvæmt þjóðarhag hverju sinni en ekki vera eins og hræddar mýs í holu og gefa með því valdasjúkum og gráðugum stjórnvöldum leyfi til að kúga okkur eins og einræðisvaldníðingarnir í Egyptalandi - Túnis og fleiri löndum gera ótæpilega.