Alþingi er óheimilt að veita ríkisábyrgð á Æsseif - samkvæmt 40.gr.Stjórnarskrárinnar!

En samt lemja þau Steingrímur og Jóhanna hausnum í steininn - því þeirra eina leið er sú að þvinga ríkisábyrgðina í gegn með kúgun og valdníðslu á ósjálfstæða þingmenn - það var auðheyrt á Steingrími í kvöldfréttum RÚV.......

Sama plott - handritið var fjölmiðlafulltrúi fjármálaráðuneytisins með í fréttunum.......!

Þessi "þverpólitíski rammi" sem Steingrímur orðar svo er bara plott-spuni - Jóhönnu með Steingrím í aðalhlutverki  - svo hefur komið einn og einn ófyrirséður aukaleikari sem ekki var reiknað með - eins og Ögmundur kannski er hann í plott -handritinu ?...........Ég verð að viðurkenna að þó Ögmundur væri málefnalegur og "einlægur"? í Kastljós-þættinum í gær - þá veit ég ekki alveg hvar ég hef hann - ég vona hans vegna að ég hafi ekki rétt fyrir mér............!

Inni í þessum "þverpólitíska ramma" á ekki að vera neitt - nema það sem bretar og hollendingar vilja hafa þar .........!

Það eina rétta og samkvæmt stjórnarskrá - er að  - NEITA -ríkisábyrgð !

Leið Buchheits ekki fær

Athugasemdir

[Haukur Nikulásson, 12.8.2009 kl. 21:52]

Þetta er nú ekki alveg rétt lesið. Fertugasta greinin kveður á um að ekki megi taka svona lán án þess að lagaheimild komi til. Sem er einmitt það sem þeir eru að reyna að koma í gegnum Alþingi.

Mikið vildi ég að þú hefðir haft rétt fyrir þér með þessari staðfhæfingu.

[Benedikta E, 12.8.2009 kl. 22:38]

Lagaheimild liggur ekki fyrir - þar af leiðandi er óheimilt að veita ríkisábyrgð nema lagaheimild liggi fyrir frá dómstólum sem hafa lögsögu í málinu eða gerðardómur- (sem aðilar Æsseif samningsins semja um )- komist að þeirri niðurstöðu að Íslandi sé skylt að greiða þetta að öllu leyti eða að hluta til - og þar verður að taka fram hver upphæðin er sem um ræðir - ekki eitthvað hér um bil út í bláinn eins og fjármálin tíðkast hjá "óstjórninni"

Það hefði sko átt að byrja á dómstólaleiðinni því hún er óhjákvæmileg.

Mér finnst við hafa sama skilning á þessu.

Takk fyrir innlitið.

[Guðmundur Ásgeirsson, 12.8.2009 kl. 23:27]

Rétt staðhæfing hjá Benediktu, bara röng lagatilvísun. Í hinni evrópsku tilskipun 94/19 EB um innstæðutryggingar segir hinsvegar, í inngangi (bls. 3):

"Tilskipun þessi getur ekki gert aðildarríkin eða lögbær yfirvöld þeirra ábyrg gagnvart innstæðueigendum ef þau hafa séð til þess að koma á einu eða fleiri kerfum viðurkenndum af stjórnvöldum sem ábyrgjast innlán eða lánastofnanirnar sjálfar og tryggja að innstæðueigendur fái bætur og tryggingu í samræmi við skilmálana í þessari tilskipun."

Einnig í 3. gr. 1. hluta:

"Kerfið má ekki felast í tryggingu sem aðildarríkin sjálf eða héraðs- og sveitastjórnir veita lánastofnun."

Það hlýtur að vera vilji allra málsaðila að IceSave verði leyst í samræmi við gildandi lög og tilskipanir á evrópska efnahagssvæðinu, en þá má Alþingi líka alls ekki samþykkja ríkisábyrgðina og ber því að hafna fyrirliggjandi lánasamningi í núverandi formi. Þetta álit tekur Ríkisendurskoðun undir í skýrslu um endurskoðun ríkisreiknings 2007 þar segir að fella skuli sjálfseignarstofnunina Tryggingasjóð Innstæðueigenda úr D-hluta ríkissjóðs, eins og er útskýrt á bls. 9 og bls. 57:

"Sjóðurinn getur með engu móti talist eign ríkisins og það ber heldur ekki ábyrgð á skuldbindingum hans."

Til að fjármagna ríkisábyrgð á innstæðutryggingasjóð ef á hana reynir þyrftu stjórnvöld að leggja skatt á íslenskan almenning, en þar sem engin lagaheimild var til þess þegar Landsbankinn hrundi væri um afturvirka skattheimtu að ræða sem er beinlínis bönnuð samkvæmt stjórnarskránni. Ekki samkvæmt 40 gr. heldur skv. 77. gr. sem er svohljóðandi:

"Enginn skattur verður lagður á nema heimild hafi verið fyrir honum í lögum þegar þau atvik urðu sem ráða skattskyldu."

Það getur því aldrei orðið löglegt að láta íslenska skattgreiðendur bera kostnaðinn af skuldbindingum innstæðutryggingasjóðs vegna IceSave!

P.S. allir sem láta sig málið varða ættu að koma á samstöðufundinn á morgun, fimmtudag, kl. 17:00 á Austurvelli.

[Benedikta E, 12.8.2009 kl. 23:37]

Sæll Guðmundur .

Takk fyrir leiðréttinguna og gagnlega fræðslu í framhaldinu.

Takk fyrir innlitið.

P.S. Mætum mannsterk á samstöðufundinn á Austurvelli - á morgun 13.ágúst kl.17