Alþingi hefur samþykkt greiðslur "bætur" til fyrrum vistmanna - þá barna sem vistuð voru á stofnunum á vegum hins opinbera. - Er það vel að sú sáttargjörð hefur náð fram að ganga!

"Sanngirnisbætur"er nafn sem þessi gjörningur hefur hlotið er nokkuð stingandi nafngift - því hvað er sanngjarnt í svona óbætanlegum skaða sem allt þetta fólk varð fyrir á barns aldri .

Sáttargjörð hefði verið betur við hæfi.

Fyrrum vistmenn fá bætur

Athugasemdir

[Anna Sigríður Guðmundsdóttir, 19.5.2010 kl. 13:33]

Sanngirni hljómar mjög vel í mínum eyrum?

Líklega orð sem er náskylt réttlæti!

Á þjóðfundinum kom fram skýr vilji þjóðarinnar um réttlæti, heiðarleika og síðast en ekki síst virðingu!

Virðing er eiginlega að mínu viti samheiti yfir allskonar réttlæti? Hvorugt orðið er raunverulega rétt án hins? Er ég kannski eitthvað að misskilja fræðin? m.b.kv.

[Benedikta E, 20.5.2010 kl. 12:26]

Sæl Anna Sigríður.

Ég er sammála þér í því að sanngirni / sanngjarn er mjög gott orð - þar sem það á við.

Í því tilviki sem um ræðir harmleik þeirra barna sem vistuð voru hjá því opinbera og nú er verið að greiða fé vegna þess harmleiks sem þau máttu þola á sínum barnsaldri - er að mínu mati slíkt að aldrei getur verið um bætur að ræða fyrir það sem er óbætanlegt.

Það getur aðeins verið um að ræða viðurkenningu á harmleiknum  frá því opinbera og svo sáttargjörð frá þeim sem hörmungarnar máttu þola á sínum barnsaldri.

Þannig að þolendur þessara mála hafa sýnt ótrúlega mikið göfuglyndi með sínum sáttavilja til lykta í þessu máli.

Þess vegna finnst mér sáttargjörð ná frekar yfir málalyktir.

Þannig er minn skilningur á orðavali - varðandi þessi hörmulegu mál og málalyktir.

Takk fyrir innlitið.