Ég bið útigangs kindunum á Tálkna griðar ! -

Það er ómannúðlegt í meira lagi - að leyfa ekki kindunum að lifa í friði í sínum heimkynnum - þar sem þær hafa lifað í friði í 60 ár.

Það er stórmerkilegt að þessar kindur skuli hafa lifað þarna svona lengi - með því eru þær búnar að skapa sér þann hefðarrétt að fá að vera þarna í friði - fyrir snarrugluðu mannfólkinu.

Það ætti að kæra þessa kalla sem stóðu í því að áreyta þessar kindur með það eitt að markmiði að drepa þær ! Þið eigið að stór-skammast ykkar! 

Farið þið eins og skot með kindurnar sem handsamaðar voru - aftur til síns heima í fjöllunum !

Nítján kindur heimtar af Tálkna

Athugasemdir

[Valdimar Samúelsson, 28.10.2009 kl. 17:17]

Hvað er að ske. Hef aldrei heyrt að það þurfi að útrýma kindum. Hér mátti ekki drepa ísbyrni og hvarsvegna að útrýma kindum sem eru öðruvísi en hinar.

[Benedikta E, 28.10.2009 kl. 17:43]

JÁ segðu það Valdimar. Kindur sem gera engum neitt mein - vilja bara fá að vera í friði - og eiga að fá frið fyrir heimskri og illa innrættri  mannskepnunni !

Hvar er umhverfisráðherra nú !

[Þorsteinn H. Gunnarsson, 28.10.2009 kl. 20:35]

Ég er innilega sammála. Þarna eru menn of fljótir á sér. Og það er rétt að féð er búið að ávinna sér hefðarrétt og er sennilega ekki lengur undir lögsögu sveitarstjórnarinnar.

[Loftur Altice Þorsteinsson, 28.10.2009 kl. 21:02]

Drápseðli Íslendinga er engu líkt. Hvar eru náttúruverndarfélög ? Hvar eru yfirvöld ? Ætla menn að kalla yfir sig reiði heimsbyggðarinnar vegna svona heimskulegrar og grimmúðlegrar útrýmingaherferðar ?

[merkúr (IP-tala skráð) 29.10.2009 kl. 08:07]

Þetta hljómar nú eins og þið hafið ekki mikla þekkingu á kindum. Finnst ykkur í lagi að fé sem er í eðli sínu húsdýr eftir margra alda ræktun, eigi að vera upp á gaddinn komið (er ekki að blanda guði inn í þetta, á þessu berum við ábyrgð sjálf) Þetta fé fær ekki nauðsynlegar bólusetningar, lömbin fæðast án eftirlits, féið gengur í reifum og er ekki ormahreinsað, það er ekki í landslagi sem er því þægilegt. Mikil hætta er á fótbrotum og almennum afföllum á öllum aldri. Ég á erfitt með að hugsa til þess að ær í burði og nýborin lömbin krókni eða að ærnar geti ekki borið hjálparlaust og deyi. En á nokkrum öldum detta víst úr þeir sem eru veikari og þetta kyn gæti orðið harðgerara. Finnst ykkur kannski í lagi að gefa svo hobby veiðimönnum leyfi til að elta þessar vesalings skepnur og skjóta á færi eða missa þær fyrir björg. Já sumir hér á mbl. vilja gera út á skotveiði á húsdýrastofn sem við höfum ræktað í margar aldir.

[Loftur Altice Þorsteinsson, 29.10.2009 kl. 10:19]

Allar forsendur þínar eru rangar Merkúr. Þetta fé er til dæmis ekki húsdýr, því að það hefur lifað vilt við mjög erfiðar aðstæður, í 50 ár að sögn. Á mannlegan skala samsvarar þetta hugsanlega 500 árum.

 

Hvað varðar heilsufar fjárins, þá er hægt að fylgjast með því því á ýmsan hátt. Þú svarar þessum áhyggjum raunar sjálfur, þegar þú segir:

 

En á nokkrum öldum detta víst úr þeir sem eru veikari og þetta kyn gæti orðið harðgerara.

 

Það virðist augljóst að ekki þarf aldir til að fá fram harðgerðan stofn og öðruvísi en húsdýr. Eins og margir hafa bent á er hér kominn fram stofn sem getur haft vísindalegt gildi og er sérstaklega merkilegt á 200 ára fæðingar-ári Charles Darwin. Fyrir ferðaþjónustu á svæðinu gæti þetta fé verið gullnáma og furðulegt að heimamenn skuli ekki skilja það strax.

 

Ég mæli ekki með því að þessi dýr yrðu skotin á færi, til skemmtunar. Stofninn yrði varla nokkurn tíma það stór að veiðar kæmu til álita. Hins vegar gæti verið nauðsynlegt að drepa einhver dýr. Þær aðfarir sem beitt var fyrir Vestan, við að fanga féð verða seint sögð mannúðleg. Komið hefur fram að féð var hrakið fyrir björg. Setja ætti veiðimennina í fangeldi fyrir misþyrmingar á dýrunum. Það eru til þróaðar aðferðir til að fanga villt dýr, til að rannsaka þau og sleppa síðan aftur.

 

Hvernig heldur Merkúr að menn umgangist villt dýr í öðrum löndum ? Umhirða um villt dýr, þar á meðal fé og geitur og skoðun þeirra, er víða þróðuð sjálfbær atvinnugrein sem ekki er ómerkaði en annað sem menn fást við. Er ekki komin tími til að Íslendingar fari að haga sér eins og siðað fólk í umgengni við lifandi náttúruna. Er firring fólks svo algjör, að það vilji friða dautt umhverfi fyrir allri starfsemi manna, en útrýma allri lifandi náttúru ?

 

[Loftur Altice Þorsteinsson, 29.10.2009 kl. 20:39]

Fréttir á RUV:

Ásgeir Jónsson, formaður fjallskilanefndar á Tálknafirði býður sig fram til að gæta villifjárins í fjallgarðinum milli Patreksfjarðar og Tálknafjarðar, svo ekki þurfi að útrýma því. Hann segir næga beit í fjallgarðinum og gott skjól.