Snorri var ekki að messa gegn samkynhneigð inni í skólanum - Brekkuskóla.

Snorri er tekinn á beinið vegna Biblíulegs texta um samkynhneigð sem hann skrifar á bloggsíðu sinni. - Það hefur ekkert með skólastarf Snorra að gera - Af hverju er ekki ráðist gegn uppsprettunni Biblíunni - það er auðvitað verið að því og Snorri gerður þolandi að því sem í Biblíunni stendur. Hvernig væri að fólk almennt læsi Biblíuna spjaldanna á milli og auðgaði með því lífsskilning sinn.

Óttast uppsögn

Athugasemdir

[Sindri Viborg (IP-tala skráð) 11.2.2012 kl. 15:37]

Nú hef ég lesið biblíuna spjaldanna á milli og reglulega þarf að finna mér tilvitnanir úr henni þá einvörðungu gert til að stoppa trúarofstækismenn að tækla þessa bók sem leiðarljós alls lífs. Þessi bók er upphaflega skrifuð nokkur hundruð árum eftir þá atburði sem í henni stendur, hún er ritskoðuð ítrekað af Vatikaninu upphaflega. Dauðahafsritin eru dæmd ómerk og ógild af leiðtogum kirkjunnar, þótt þau rit eru ugglaust nær sannleikanum en það sem skrifað er í núverandi útgáfu af henni.

Næsta mál er að vitna í þær veigamiklu þversagnir sem í henni stendur. Annars vegar er talað um auga fyrir auga, tönn fyrir tönn og svo hins vegar er verið að tala um að rétta fram vinstri vangann (sbr. Lúkasarguðspjall 6:29 og Þriðja bók Móse 24:20)

Hver einasta skrift í biblíunni hefur ákveðinn tilgang, en að ætlast til að fylgja því öllu eins og einhverjum heilagleika er í raun firra.  (sbr. t.d.  Önnur bók Móse 21:17)

 Það má ekki borða svínakjöt eða skel fisk samkvæmt biblíunni. Ástæðan er sú að ef kjötið er illa eldað, þá getur þú dáið af matareitrun. Á þessum tíma vissu þeir ekki afhverju þetta gerðist, en þeir þurftu að vernda fylgjendur trúarinnar þannig að búin var til dæmisaga og þar af leiðandi ástæða til að neyta ekki þessarar fæðu.

Biblían er fín bók upp á ákveðnu marki, en við þurfum virkilega að fylgja skynsemi í svona málum, ekki texta sem er um 1700 ára gamall.

[Benedikta E, 11.2.2012 kl. 15:50]

Biblían er lifandi Orð Guðs sem fellur aldrei úr gildi.

[Sindri Viborg (IP-tala skráð) 11.2.2012 kl. 23:46]

Og með skort af rökum er farið yfir í trúarblindni....

 Hjarta mitt finnur til með þér Benedikta.

[Sigurður (IP-tala skráð) 12.2.2012 kl. 13:50]

Ég er það ófróðari en Sindri, að ég sé engin merki þess, að Biblían hafi verið ritskoðuð. Þá hefði til dæmis verið gráupplagt að stroka út 1Kor 15:29, sem nú á dögum vefst fyrir flestum að skilja en má misskilja, og samt er það á sínum stað. Eins er um fleira, sem þó haggar ekki við kristinni trú. Dauðahafshandritin hafa á engan hátt verið dæmd ómerk, og til dæmis er nokkuð oft vísað til þeirra í þeirri ensku Biblíuútgáfu, sem Vatikanið notar, en Sindri hlýtur að standa öllum vísindamönnum framar, ef hann veit fyrir víst, að orðamunur úr þeim sé réttari texti, sem óvíða skiptir reyndar máli. Um Nýja textamentið má að minnsta kosti segja, að það getur ekki verið skrifað mörg hundruð árum eftir atburðina, því að handritsbrot úr því finnast frá 1. öld. Spurningin í huga margra er aðeins, hvort hluti þess sé skrifaður á fyrri hluta 2. aldar.  Ég veit ekki, hvort Sindri hefur heyrt þá kenningu, að guðdómleg opinberun hafi orðið smám saman, eftir því sem mannkynið þroskaðist, og loks fullkomnast í Kristi. Hún skýrir alveg nægilega, að hætt var að gjalda auga fyrir auga (sem sagt refsa aðeins sem svarar til brotsins). Gagnlegur lestur á Biblíunni felst ekki í því að reyna að finna eða ímynda sér mótsagnir í henni, heldur að læra af því, sem gott er og satt! Eins og Benedikta segir.

Vonandi bera skólayfirvöld á Akureyri gæfu til að innleiða ekki Berufsverbot gagnvart kristnu fólki og traðka jafnframt á málfrelsi og trúfrelsi starfsmanna sinna.

[Sindri Viborg (IP-tala skráð) 12.2.2012 kl. 23:45]

Dauðahafsritin eru síðan (elstu) 168 fyrir krist. Elstu rit sem eru í biblíunni eru síðan um 100 eftir krist.

 Dauðahafsritin eru ekki í biblíunni Sigurður. 

Breytingarnar í biblíunni byrjuðu þegar menn handskrifuðu bókina upp úr annari öld. Svo jókst það þegar gríska biblían og hebreska biblían voru breytt yfir í latneska útgáfu af henni. Á sjöundu öld breyttist til dæmis Markúsarguðspjall 9:29 úr  "Þetta kyn verður eigi út rekið nema með bæn og föstun", yfir í " Þetta kyn verður eigi út rekið nema með bæn." Þarna er ákveðnum parti sleppt.

Í eðli sínu er þetta ekki að fara að slá einhvern niður, en þetta eru breytingar í tímans rás á það sem mjög trúaðir menn líta á sem heilagleika og hreinasta sannleika. (festa sem er ugglaust nauðsynleg fyrir þá sem ekki eru traustir einir, sem er fínt mál.) En þetta staðfestir það að við menn höfum breytt þessum texta í gegnum tíðina. 

Og ég var ekki að tala um að minn lestur væri til að finna einhverjar mótsagnir, heldur að þær væru þarna og það orsakaði árekstra á annars vegar trú (sem er fín) og skynsemi (sem við lifum með). 

 Og svo er það þetta með Fyrra bréf Páls til Korin 19:29 þá má halda áfram með þessa pælingu þína og fara strax í fyrsta boðorðið þar sem Guð sjálfur vísar í það að til eru aðrir guðir og að hann vilji ekki að menn trúi á þá. Sem einnig væri upplagt að fjarlægja, eða Ezekíel 23:20 og svo framvegis og framvegis. 

Staðreyndin er sú að bókin er hönnuð til að hjálpa fólki að vinna sig í gegnum lífið, og hún getur gert það ágætlega. En í dag er meiri menntun, þekking og skilningur á hvernig fólk/líf/náttúra vinnur og þar af eru margar af þeim dæmisögum og tilvitnunum þar inni ekki lengur þurfandi eða réttar. En þeir punktar sem eru réttir eru enn fínir.

Og vonandi reka skólayfirvöld landsins alla þá menn sem ýja að því að líferni manna og þeirra hamingja sé röng. Á sömu forsendum og þið upplifið samkynhneigð sem dauðasynd og ljótan hlut, lít ég á þá afstöðu ykkar alveg jafn alvarlegum augum. Ef Guð og Jesú eru/voru til í ykkar sannfæringu, þá er ást samkynhneigðra alveg jafn mikið til og rétt. Málfrelsi og trúfrelsi... þetta komment þitt er í besta falli hégómi Sigurður. Þar sem frelsi til eðlilegs lífs (og það er bundið þeim einstaklingi sem lifir það, ekki einhvers annars) á sér jafn mikinn rétt. Þessi staðhæfing er bundin því að samkynhneigt fólk er ekki að gera neinum illt, það er að finna sína sönnu hamingju, sömu hamingju sem þið hafið fundið og upplifið með ykkar maka, og þið standið í vegi fyrir því fólki með bæði þessu neikvæða tali, sem og gjörðum.

Mitt hjarta finnur til með þér einnig Sigurður.

[Sigurður (IP-tala skráð) 13.2.2012 kl. 09:18]

Það vill nú svo til, að æðimörg Dauðahafshandritin geyma bækur úr Biblíunni, og orðamunur er sjaldan mikill, enda til siðs að vanda sig við uppskrift helgirita. Þetta eru ekki frumrit textanna, því að finna má brot úr enn eldri handritum. Síðan nota textafræðingar venjulegar aðferðir sínar til að áætla, hvenær ritin voru fyrst skráð. Niðurstöður flestra þeirra benda til, að Gamla testamentið sé ritað á löngum tíma, nefnilega á 3. – 8. öldum fyrir Krist. Allt framansagt getur fólk kynnt sér að vild, til dæmis í Wikipediu, svo að þarflítið er að þræta um það.

Ef brottfall á tveimur orðum úr Mk 9.29 á að vera dæmi Sindra um þá ritskoðun af hálfu Vatikansins, sem hann nefndi hér, finnst mér það illa valið, því að sama Vatikan notaði lengri gerð versins allt til ársins 1979, nefnilega í gömlu Vulgötu, og enn finnst þessa misræmis getið í mikilvægum Biblíuútgáfum. Styttingin á aðeins eina skýringu, að menn telja þá gerð upphaflegri. Sama sjónarmið er notað við útgáfu allra fornrita, veraldlegra sem andlegra.

Öll orð mín í fyrra innleggi standa óhögguð, og þarflaust er að níðast á gestrisni Benediktu með meiri málalengingum.

[Benedikta E, 13.2.2012 kl. 14:53]

Sigurður - Takk fyrir þitt innlegg í umræðuna - ekki veitir af ......................

[Benedikta E, 13.2.2012 kl. 15:09]

Vert er að geta þess að kristin trú á Íslandi er Stjórnarskrá varin - Í VI kafla 62.gr. Stjórnarskrárinnar þar segir svo - "Hin evangelíska lúterska kirkja skal vera þjóðkirkja á Íslandi - og skal ríkisvaldið að því leyti styðja hana og vernda."

Helgirit kirkjunnar er Biblían og á henni byggir kirkjan sinn boðskap.