Hvar er "skjaldborg" Jóhönnu fyrir heimili landsmanna - 22 þúsund heimili eru í alvarlegum fjárhagsvanda og ótalinn fjöldi heimila til viðbótar á hrað-leiðinni þangað!

Jóhanna dregur fjárhagsvanda heimilanna í efa og telur upp af teikniborði sínu 50 úrræði fyrir heimili í fjárhagsvanda sem enginn kannast við að séu úrræði gegn fjárhagsvanda.

 Ríkisstjórn Jóhönnu og Steingríms vinnur markvisst að fátækt og atvinnuleysi - sem orðinn er raunveruleiki fjölda landsmanna sem ekki hefur til hnífs eða skeiðar með uppboðshamarinn yfirvofandi yfir heimilum sínum.

Allt er þetta í "góðri samvinnu gert" við Alþjóðagjaldeyrissjóðinn.

Þið ættuð að skammast ykkar Jóhanna og Steingrímur - að þið skulið voga ykkur að vinna svona freklega gegn þjóðarhag.

Um 22 þúsund á vanskilaskrá

Athugasemdir

[Jón Snæbjörnsson, 9.6.2010 kl. 13:59]

gjörsamlega ótrúleg þessi tvö - nær væri að ýta öllum bátum á flot til fiskjar frekar en að binda þá fleiri við bryggjuna

[Benedikta E, 9.6.2010 kl. 14:09]

Já segðu það - þau ganga gegn öllum bjargráðum - eru þau að reyna að svæla fólkið úr landi ?

Það þarf að henda þeim út úr stjórnarráðinu - þau fara ekki sjálfviljug.

[Rauða Ljónið, 9.6.2010 kl. 14:24]

Hér er 9 prósenta atvinnuleysi og ástandið í bygginga- og verktakageiranum er sérstaklega erfitt þar sem atvinnuleysi er rúmlega 25 prósent, svo á að flytja inn vinnuafl utan EES svæðisins komi til framkvæmda við Búðarhálsvirkjun í boði ríkisstjórnarinnar og samninga við kínverska verktakafyrirtækið CWE og kínverska bankann Exim Bank þetta eru úræðin til að bjarga bágstöddum heimilum veruleika fyrt ríkisstjórn.

[Ingibjörg Guðrún Magnúsdóttir, 9.6.2010 kl. 14:33]

Já Benedikta ég er alveg sammála þér að það verður eitthvað að gera og það hið fyrsta. Það er ekki hægt að við Íslendingar sjáum auðlindir þjóðarinnar fara í hendur vina Ríkistjórnarinnar erlendis eins og við erum að horfa upp á. Það er ekki ætlun Jóhönnu eða Steingríms að gera neitt til að auka framleiðslu í landinu svo hægt sé að komast útúr þessu , Nei heldur á að færa öðrum erlendum Þjóðum allt á silfurfati sem gæti og ætti að hjálpa okkur. Þetta er jú ennþá landið okkar Ísland. Ég þoli ekki meir ef þessu bulli fyrir okkar hönd, þetta er ekkert annað en bull, svo ég er tilbúin að gera það sem þarf til að breyta þessu, en það vantar að vita hvað getum við og hvernig við gerum við. Það vantar að efna til kröftugra mótmæla með miklum hávaða en ekki rúðubrotum og meiðingum...

[Benedikta E, 9.6.2010 kl. 15:21]

Það má senda þeim kröfu um afsögn í fjöldatölvupóstum - til dæmis !

Það er full reynt með þau að það er ekkert annað en afsögn sem gagnast.

[Kristinn Karl Brynjarsson, 9.6.2010 kl. 21:47]

Á þessari vanskilaskrá eru eflaust ekki þeir sem eru enn með frystingu á sínum lánum.  Núna hverfa þær frystingar, ein af annari á degi hverjum.  Einhverjar þúsundir láta sig hafa það að borga, án þess í rauninni að ráða við það, en fórna í staðinn, sjálfsögðum lífsgæðum. Einhverjir enn svo "heppnir" að vera ekki búnir að þurrka upp ævisparnaðinn, en hann minnkar og minnkar.............. Þessi 22 þúsund, eru bara toppurinn á ísjakanum.

Á meðan allt þetta dynur yfir þjóðina, er fimmti síðasti vinnudagur þingsins, til að ræða "handónýtt" frumvarp Jóhönnu um Stjórnlagaþing, sem er eiginlega eins útþynnt og hægt er, miðað við þær kröfur um lýðræðisumbætur, sem vonir stóðu til að því fylgdi.  

Eina "beina" aðkoma þjóðarinnar að þessu Stjórnlagaþingi og útkomu þess, verður að kjósa fólk á það, auk þess sem að einhverjir þjóðfundnir verða haldnir.  Ætlast er til þess, samkvæmt þessu frumvarpi, að niðurstaða stjórnlagaþings, verði einróma.  Stjórnlagaþingið, mun því bara skila einni einróma "ríkis" niðurstöðu, ala Marteinn Mosdal. Alþingi getur, ef því sýnist sem svo, hundsað niðurstöðu stjórnlagaþings.  Þaðeina sem Alþingi þarf að gera við niðursöðuna, er að ræða hana efnislega, en getur annað hvort hafnað henni að hluta til eða allri og breytt niðurstöðu Stjórnlagaþings að vild.   Þetta eru allar lýðræðisumbæturnar, sem "sumir" eru sagðir "dragbítar" á.

[páll (IP-tala skráð) 9.6.2010 kl. 22:30]

Það þarf að fara varlega í að treysta þessum tölum sem tröllríða þjóðfélaginu núna. Fyrst þarf að gera sér grein fyrir hvaða skilgreining liggur að baki hugtakinu "heimili". Þar er um að ræða hjón, sambúðarfólk og einstaklinga yfir átján ára. Þannig telst átján ára námsmaður sem býr í foreldrahúsum eitt sérstakt heimili. Nú ef hann skuldar í bílaláni þá er hann "heimili í skuldavanda" og það þrátt fyrir að búa hjá mömmu og pabba.

Ég er ekki að lofa ríkisstjórnina með þessum orðum, einungis benda á að þetta eru afar villandi tölur.

[Benedikta E, 9.6.2010 kl. 22:54]

Kristinn - Það er mjög líklega rétt ályktað hjá þér að vandinn er tölulega margfalt stærri en komið hefur fram til þessa.

Ölmusu biðraðir við hjálparstofnarnir styðja  kenningu þína.

[Benedikta E, 9.6.2010 kl. 23:00]

Páll - Ekki minnkar það skuldavanda mömmu og pabba að sitja uppi með bílalán barnanna líka - sem líklegast eru ábyrgðarmenn á bílalánum barnanna - .

[Páll (IP-tala skráð) 9.6.2010 kl. 23:02]

Hvar hefurðu verið Benedikta. Veðin eru í bílunum sjálfum. Of greiður aðgangur að lánsfé var hluti af vandanum.

[Benedikta E, 9.6.2010 kl. 23:39]

Páll - Já veðin eru í bílunum - en með ábyrgðarmönnum  - foreldrum oftast ef börnin eru það ung að þau búa heima.