Hvað sagði okkar hollráða Eva Joly um lánshæfismat - ruslflokkun og annan hræðslu áróður - "látið það ekki hræða ykkur" !

Eigum við ekki bara að hlusta á Evu Joly - og ekkert að ganga af göflunum - verum minnug starfsemi greiningadeilda bankanna - nú er meira að segja vitnað til slíkra í viðhengdri frétt.

Hvert yrði lánshæfismatið ef Æsseif ánauðinni yrði þröngvað yfir þjóðina - ætli það yrði ekki til "hækkunar"eins og óljóst hefur verið lofað - grímulaust !

Þessu er öllu stýrt af fjárkúgurunum - látum það ekki hræða okkur.

NEI og aftur NEI - við Æsseif fjárkúgun og valdníðslu !

Lækkun lánshæfiseinkunnar gæti orðið afdrifarík

Athugasemdir

[Gísli Ingvarsson, 18.1.2010 kl. 14:44]

Það sem mér finnst gott við Evu Joly er að hún er eina manneskjan sem hugsanlega getur komið reiðu á upplýsingar um glæpsamlegt athæfi í fjármálgeiranum og upplýst okkur um það. Hún er til þess ráðin og hefur því umboð þar að lútandi og það er hennar rétti farvegur í landinu.

Hinsvegar er hún þingmaður ESB og hefur annað agenda þar ástamt því sem hún reynir að sinna málefnum skuldugra afríkuríkja og því hlutverki sínu blandar hún "óvart" við IceSafe. Það eru hennar hagsmunir pólitískt að Ísland falli í ruslflokk og verði 3ja heims ríki um áratugi, þá getur hún sýnt fram á ranglætið í heiminum og að það sé yfirvofandi og nærri. Þetta er auðvitað ekki hennar vilji en hún getur ekki séð neitt athugavert við að svona færi ef við látum skeika að sköpuðu og sýndum viðsemjendum okkar fingurinn.... Nei Eva hefur ekkert erindi í þessa umræðu enda alls ekki með okkur á báti.

[Benedikta E, 18.1.2010 kl. 15:22]

JA nú ert þú aumur í þínum málflutningi Gísli - að reyna að gera Evu Joly tortryggilega.

Hún þekkir nefnilega allt þetta rotna apparat - ESB - og hverslags aðra valdníðinga - þess vegna veit hún hvað hangir á spýtunni hverju sinni.

Reyndu ekki að gera Evu Joly tortryggilega - það er verst fyrir þá sem það reyna.

[Gísli Ingvarsson, 18.1.2010 kl. 20:39]

Einsog ég sagði er Eva góðs makleg en hún hefur ekkert skynbragð á stöðu Íslensks hagkerfis í lengd og bráð. Það eru allir menn viljugir til að gefa ráð en bera enga ábyrgð. - Mér sýnist ef ég les rétt í málflutning margra sem blogga hérna að réttast sé að rústa íslenska hagkerfinu og senda þjóðfélagið í upplausn til að geta sent út neyðarkall til "alþjóðasamfélagsins" að heimurinn sé óréttlátur í "okkar" garð. - Fara í efnahagslegt stríð við Holland og Bretland í von um að "heimurinn sjái að sér og hjálpi okkur af samúð sinni".

Þetta finnst mér vera dauðagildra og tala því af hörku gegn slíku. ESB hjálpar okkur ekki! Hafa ekkert regluverk til þess. Eva Joly hjálpar okkur ekki. Hún er þrátt fyrir allt bara manneskja. Ef við getum ekki hjálpað okkur sjálf gerir enginn það. Að hjálpa sér sjálfur er að standa vioð skuldbindingar sínar í þessu tilliti. Þó að það kosti.