Bjargvættur heimilanna Tryggvi Þór Herbertsson - Frábært !

Hann leysir af "skjaldborg" heimilanna - sem aldrei varð reist -  nema í munninum á Jóhönnu Sigurðardóttur.

JÁ - JÓHANNA - ÞINN TÍMI ER LIÐINN!

Tryggvi Þór: 20% af skuldum heimilanna verði felldar niður

Athugasemdir

[Finnur Bárðarson, 16.3.2009 kl. 17:24]

Ég trúi ekki á bjargvætti, sérstaklega ekki sjálfskipaða :)

[Púkinn, 16.3.2009 kl. 17:32]

Það eru margir sem eru fullfærir um að borga af skuldum sínum - af hverju eiga þeir líka að fá þennan 20% afslátt?  Af hverju eiga þeir sem geta borgað skuldir sínar ekki að gera það?

Síðan er það svo sú siðferðislega spurning hvort réttlátt sé að kostnaðurinn við þessa aðgerð lendi á endanum á þeim sem hafa sýnt ráðdeild og ekki steypt sér í skuldir sem þeir ráða ekki við.  Hvers vegna á að refsa þeim?

[Vilhelm Harðarson (IP-tala skráð) 16.3.2009 kl. 17:58]

Ég spyr á móti: Afhverju eiga þeir sem GETA EKKI borgað af skuldum sínum að fá 20% niðurfellingu frekar!

[Benedikta E, 16.3.2009 kl. 18:24]

Sæll Finnur. Það var nú ég sem gaf honum þessa nafnbót - ekki hann sjálfur.

En ef sjónarmið Tryggva nær fram að ganga þá verður það mörgum til hjálpar.

Það er - það sem skiptir máli - Finnur.

Það eru margir sem eiga í mjög miklum erfiðleikum - vegna þeirra utanað komnu aðstæðna - sem þjóðinni hefur verið hrynt út í og allir vita hverjir eru.

Takk fyrir innlitið.

[Benedikta E, 16.3.2009 kl. 18:42]

Sælir Púkinn og Vilhelm.

Lán sem fólk hafði hjá gömlu bönkunum og lýstir eru gjaldþrota - flytja lán þeirra lántakenda sem höfðu tekið lán hjá gamlabankanum - yfir í þá nýju með 50% afföllum til nýja bankanns - Nýi bankinn innheimtir svo lánið hjá lántakendanum að fullu - með verðbota hækkunum og vaxtahækkunum - án þess að lántakandinn hafi nokkuð haft um málið að segja.

Öll framkvæmdin er einhliða tekin - og margir af lántökum hafa ekki myndað neitt viðskiptasamband við nýja bankann - og ætla sér ekki að gera það með svona valdnýðslu.

Í þessu fellst jöfnuðurinn ekki því hver getur greitt eða ekki greitt. 

Takk fyrir innlitin.

[Benedikta E, 16.3.2009 kl. 18:51]

Sælir aftur Púkinn og Vilhelm. Ég gleymdi eftirfarandi.

Eðlilegast hefði verið að lánin hefðu orðið eftir í gömlu bönkunum og þeir sem höfðu lán þar hefðu samið um lánið við þrotabúið.

Mitt sjónarmið.

Kveðja.

[Loftur Altice Þorsteinsson, 16.3.2009 kl. 20:23]

Sæl Borghildur. 

Ég tel þessa hugmynd um 20% niðurfellingu skulda vera afspyrnu slæma. Þeir sem borga þessa niðurfellingu er væntanlega almenningur í gegn um ríkissjóð, eða bankana. Þá er enn eina ferðina verið að verðlauna skuldarana.

Til er mikið betri lausn , sem kemur öllu hagkerfinu til góða. Þetta er upptaka nýs innlends gjaldmiðils undir myntráði. Ef US Dollar er metinn á 90 Krónur í stað 112 Krónur, sem er núverandi gengi, erum við að keyra verðbólguna til baka um 20% (90/112= 80%).

Með þessu móti erum við að lækka um 20% allar skuldir sem eru gengistryggðar og vísitölutryggðar skuldir um eitthvað í áttina að 20%.

Kveðja.

[Neytandi (IP-tala skráð) 16.3.2009 kl. 20:51]

Þeir sem hlustuðu á Tryggva í Kastljósinu hafa vonandi hrifist af hans málflutningi þar.   Aðgerðir í þessa átt nýtast ekki eingöngu þeim  sem skulda mikið heldur líka þeim sem skulda lítið.  Við megum ekki að gleyma hvaða Dóminó áhrif eru að skapast í þjóðfélaginu  með núverandi stöðu.  

Það var líka athyglisverð frétt í MBL um aðgerðir hjá Japönsku ríkisstjórninni:

Japanska ríkisstjórnin hefur nú þegar gripið í tvígang til sértækra aðgerða í þágu efnahagslífsins frá því kreppan hófst fyrir alvöru síðastliðið haust, en það hefur ekki dugað til. Þar á meðal hafa verið beinar greiðslur til almennings, ekki ólkt hugmyndum um niðurfærslu skulda um ákveðna hlutfallstölu yfir alla línuna, jafnt til þeirra sem á þurfa að halda sem og hinna sem eru ekki í vanda.

Sérstakar aðstæður kalla á róttækar aðgerðir !

Við þurfum kjark og þor til að bregðast hratt við með róttækar en einfaldar aðgerðir.

[Benedikta E (IP-tala skráð) 16.3.2009 kl. 23:14]

Sælir Loftur og Neytandi (ertu ekki annars strákur Neytandi ?

Ég er fylgjandi róttækum aðgerðum sem virka "Strax" öllum til hagsbóta hver sem staða hvers og eins er hvort sem þeir geta greitt eða ekki.

Jafnhliða þurfa aðgerðirnar að stöðva  valdnýðslu bankana - þannig að þeir fari að virka eins og viðskiptabankar eiga að gera.

Ekki eins og bankastarfsemin er í dag -  einvörðungu -  græðgis innheimta -

Það eru margir sem geta borgað -  HÆTTIR - að borga -  til að mótmæla bankastarfseminni eins og hún er í dag og ekkert sem bendir til að hún sé að breytast.

Svo þarf auðvitað að hreinas út gamla liðið úr bönkunum það er forsenda no.1 fyrir því að bankastarfsemin breytist.

Mér fannst aðferða fræði Tryggva mjög skiljanleg og einföld eins og hann setti hana fram - og það er nú annað en maður á að venjast frá  hagfræðingi.

Svo getur vel verið að dollara dæmið þitt Loftur skili því sama eða betra -  má vera.

Ég vil leiðréttingu frá bönkunum inkludert að þeir skili stolnu sparifé!

Ef einhver getur reiknað  út þannig skiladæmi þá yrði ég glöð.

Sigur kveðja inn í öll mál.

[Loftur Altice Þorsteinsson, 16.3.2009 kl. 23:45]

Skoðaðu þessa greiningu Borghildur: 

Það er einfalt að átta sig á þessari hugmynd um 20% niðurfellingu og þarf engan hagfræðing til þess. Í mjög stuttu máli og eftir mjög snögga skoðun, lítur þetta svona út:

Allar skuldir sem nýju bankarnir hafa yfirtekið frá þeim gömlu eru metnar og þá getum við sagt að af hverri skuld verði greitt ákveðið hlutfall, sem liggur á bilinu 0% - 100%.

Af ákveðnum hluta skuldanna næst 0% - 80% af nafnkröfum, samkvæmt matinu. Ef þessar skuldir eru lækkaðar um 20% næst sama Krónutala eftir sem áður. Hugsum okkur eina kröfu til skýringar. Ef af henni næst 80% áður en 20% lækkunin kemur til, næst 100% eftir lækkunina. Sama Krónutala sem sagt. Niðurfellingin gagnast ekkert þessu fólki.

Af hinum hluta skuldanna næst 80% - 100% af nafnkröfum. Við 20% lækkun á þessum skuldum, fækkar innheimtum Krónum og mest þær kröfur sem innheimtst hefðu 100%. Af þeim er niðurfellingin full 20%. Við sjáum því að þessi niðurfelling gagnast best þeim sem geta greitt skuldir sínar að fullu. Niðurfellingin gagnast einungis þeim sem geta greitt 81% - 100%.

Getur verið að hagfræðingurinn skilji ekki betur eigin tillögu, eða hefur mér yfirsést eitthvað, sem getur svo sem vel verið?

[Benedikta E, 17.3.2009 kl. 00:22]

Sæll Loftur.

Sagði ekki Trygvi að niðurfellingin kæmi inn hjá bönkunum í gegnum afskriftirnar við yfirtökuna frá gömlubönkunum ?

Ég skildi það þannig og finnst það svo frábært - vona að ég hafi ekki misskilið það.

Myntráðið tekur það ekki svo mikið lengri tíma.

Ég var að skrifa þér á vinablogginu líttu á það.

Kveðja.

Borghildur.

[Loftur Altice Þorsteinsson, 17.3.2009 kl. 00:29]

Ef reiknaðar afskriftir af kröfunum eru meiri eða minni en raunverulegar afskriftir er það væntanlega fyrir reikning nýju bankanna. Ef þeir gefa afslátt er það tap eigenda þeirra = almennings.

Stofnun myntráðs tekur 60 - 90 daga.

Kveðja.